Zgjedhjet, Noka-PS: Bëhuni gati do ju përgjigjemi siç meriton përgjigjen një bandë

Deputeti Flamur Noka nga foltorja e Kuvendit jashtë rendit të ditës komentoi zgjedhjet lokale që u fituan bindshëm nga Partia Socialiste.

Noka akuzoi qeverinë se votat janë blerë dhe të gjitha strukturat e shtetit u vunë në shërbim të PS në mënyrë që kjo e fundit të fitonte zgjedhjet.

Deputeti theksoi se do t’i përgjigjen qeverisë  ashtu siç e meriton përgjigjen një bandë kriminale.

“Më 14 maj, në Shqipëri nuk kishte zgjedhje, por kishte thjesht një proces votimi. Të dielën konfirmuat se këtu nuk ekziston një demokraci. Dita e diel konfirmoi se ka një narko-regjim. U tregua se vija ndarëse mes partisë-pushtetit-shtetit nuk ekziston. Shërbimi informativ, polici, ushtri, të gjithë ishin garnizonë i PS për të blerë procesin e quajtur zgjedhor, vetëm me kushtin që Rilinda të merrte 100% pushtetin. Jeni duke e çuar shqipërinë në skajet e të pamundurës. Këto mekanizma që keni përdorur i përdor vetëm mafia, nuk ka vend në botë që përdor instrumente të tillë kriminal vetëm për të marrë bashkitë. Të burgosurit votuan 3-4 herë. Rama e kjo qeveri nuk takohet asgjëkundi me votën e lirë. Bëhuni gati se do ju përgjigjemi siç i përgjigjet një regjimi kriminal dhe një bande kriminale, nuk ka më asnjë rrugë tjetër”- tha Noka.

LEXONI GJITHASHTU:

• Dorëheqja e Alibeajt, Xhaferraj; Na duhet lidership i ri, të kontribuojmë
• Zgjedhjet| Paloka: Zgjedhjet u manipuluian, Berisha s’ka pse bën asnjë hap pas