Zgjedhjet, OSBE-ODIHR: Shqetësim, përdorimi i skemës së pensioneve e falja e gjobave

Kreu i delegacionit të Parlamentit Evropianë në misionin vëzhgues të OSBE/ODIHR për zgjedhjet e 11 majit në Shqipëri vlerësoi Komisionin Qendror të Zgjedhjeve për organizimin e një procesi të hapur dhe transparent.

Në konferencën ku u paraqitën konkluzionet e misionit, ai theksoi rëndësinë e adresimit të disa rekomandimeve të OSBE që nuk u morën parasysh ndërsa nënvijëzoi si problematikë të raportuar përdorimin e skemës së pensionevenë minutat e fundit apo faljen e gjobave.

Gjithashtu, mungesa e raportimit të pavarur në disa media për shkak të influencimit të politikës nuk u mundësoi qytetarëve informim objektiv, tha zyrtari i PE.

“Zgjedhjet ishin konkurruese dhe fushata e qete, por disa rekomandime të ODIHR nuk janë adresuar, si financimi i fushatës. Ne mendojmë se numërimi jashtë qendrave të votimit është diçka që duhet adresuar. Veç kësaj se duam të theksojmë se disa bashkëbisedues ngritën shqetësimet për shpërdorimin e parave publike, përdorimin e skemës së pensioneve në minutë të fundit apo falja e gjobave. KQZ i arriti procedurat në mënyrë eficente. Mirëpresim marrëveshjen mes SPAK dhe KQZ për procedimin e krimeve zgjedhore”, tha mes të tjerash zyrtari i PE.

LEXONI GJITHASHTU:

• Mbyllet numërimi i votave në Delvinë, si paraqitet rezultati
• Mbyllet numërimi i votave në Skrapar, PS fiton bindshëm