Zgjedhjet vendore për qytetarët, jo për politikanët, thotë nënkryetarja e PDK-së

Nënkryetarja e Partisë Demokratike të Kosovës, Vlora Çitaku tha se këto zgjedhje vendore janë për qytetarët e jo për politikanët.

Sipas saj sot është dita vendimtare për komunat e Kosovës, andaj ftoi të gjithë qytetarët që të ushtrojnë të drejtën e votës.

“Të rinjtë dhe të rejat e Kosovës, gratë dhe burrat, prindërit tanë, me votën e tyre sot do të fuqizojnë demokracinë dhe shtetin e Kosovës.  Pjesëmarrja sa më e madhe është e rëndësishme për të dhënë verdiktin demokratik se kush duhet të na udhëheqë në komunat tona në katër vitet e ardhshme,” – deklaroi Çitaku.

Nënkryetarja e PDK-së pohoi se fituesi më i madh i këtyre zgjedhjeve do të jetë demokracia.

LEXONI GJITHASHTU: 

• Kandidati i Vetëvendosjes për Prishtinën: Sot një ditë e rëndësishme për demokracinë
• Zgjedhjet në Kosovë dhe RMV, kutitë e votimit në shtëpitë e të infektuarve me COVID
• Problemet me pajisjet biometrike në RMV, juristi Demiri: Sistemi i vjetër ka devijuar vullnetin e zgjedhësve