Zgjerimi i vendbanimeve në Bregun Perëndimor, Britania thërret ambasadorin izraelit

Zyra e Punëve të Jashtme dhe e Komonuelthit e Britanisë thirri këtë të enjte Tzipi Hotovely për të diskutuar planet për të krijuar një vendbanim në E1, midis Jerusalemit dhe Ma’aleh Adumim.

Britania, së bashku me vendet e tjera evropiane, e ka kritikuar planin si një shkelje “flagrante” të së drejtës ndërkombëtare që do të minonte idenë e një zgjidhjeje me dy shtete.

Për më tepër, Ministria e Jashtme e Francës tha në një deklaratë të enjten se miratimi nga një komision planifikimi izraelit i një projekti për ndërtimin e vendbanimeve në zonën E1 në lindje të Jerusalemit është i papranueshëm dhe përbën shkelje të së drejtës ndërkombëtare.

Ditën e djeshme të 20 gushtit, Izraeli tha se projekti E1, i cili do ta ndante Bregun Perëndimor të pushtuar dhe do ta shkëpuste atë nga Jerusalemi lindor, kishte marrë miratimin përfundimtar nga një komision planifikimi i Ministrisë së Mbrojtjes.

Ministri i Financave, Bezalel Smotrich, miratoi planin e ri të vendbanimeve E1 pranë Ma’aleh Adumim, i cili do të ndante Jerusalemin lindor nga Bregu Perëndimor.

LEXONI GJITHASHTU:

• SHBA-të rifillojnë importet e naftës nga Venezuela
• Gjykata e Apelit rrëzon dënimin prej 500 mln dollarësh të Trump për mashtrim civil