Zhbllokohet anëtarësimi i Suedisë në NATO, lëvizja e Erdogan

Presidenti i Turqisë, Recep Tayyip Erdogan ka nënshkruar protokollin për anëtarësimin e Suedisë në NATO.

Protokolli është dërguar në Asamblenë e Madhe Kombëtare të Turqisë për ratifikim.

Lajmi u bë me dije nga presidenca turke e cila nuk dha informacione të tjera.

Presidenti Erdogan deklaroi më herët se Parlamenti i vendit të tij nuk do ta ratifikojë kandidaturën e Suedisë për anëtarësim në NATO së paku deri në tetor.

Duke folur për gazetarët në Vilnius, pas samitit të NATO-s, Erdogan tha se Parlamenti i Turqisë është në pushim për dy muaj dhe më pas “ka shumë propozime [të tjera] legjislative për të diskutuar”.

Turqia u pajtua që Suedia t’i bashkohej aleancës ushtarake në fillim të korrikut.

LEXONI GJITHASHTU:

• Djali i Erdogan në marshimin pro-palestinez në Turqi: Të sqarojmë në cilën anë jemi
• “Duhet të respektohen ligjet e luftës”, Erdogan: S’ka justifikim për sulmet në Gaza