Zhdukja e 3 studentëve çekëve, gazetari tregon për herë të parë detaje të reja

Gazetari Ferdinand Dervishi, për herë të parë ka treguar në emisionin “Sot” në Euronews Albania, detaje të reja në lidhje me zhdukjen e tre çekëve para 20 vitesh në Theth.

Dervishi tha se dyshohet se çekët kanë qëndruar një natë në shtëpinë e Can Qarkut, i cili dy muaj pas zhdukjes së çekëve vrau kushërirën e tij të parë, Mira Qarku.

Sipas tij, dyshohet se këtë të fundit e vrau pasi kishte informacion për çekët e zhdukur.

“Ata kanë pushuar një natë në shtëpinë e parë të Thethit, jo andej nga kishin shkuar ata, në afërsi të Bogës. Në shtëpi ka jetuar një Can Qarku, një person që u akuzua për vrasjen e kushërirës së parë dy muaj pas zhdukjes së çekëve që quhej Mira Qarku.

U supozua se e vrau se do të dëshmonte diçka për çekët. Mira Qarku ka qenë mësuese. Ky i ka mbajtur  në shtëpinë e tyre dhe Mira dyshohet se ka qenë përkthyese. Ky u dënua me 15 vite burg”- shprehet ai.

Dervishi nga informacionet e marra asaj kohe, ka qenë Can Qarku i cili i ka marrë çekët dhe i ka çuar diku, por pas kësaj nuk ka asnjë informacion në lidhje me ketë ngjarje.

“Sipas asaj që thuhet ai i ka marrë dhe i ka çuar diku. Deri këtu është ky informacioni”- deklaroi ai.

LEXONI GJITHASHTU: 

• Do e votojnë ligjin për hapjen e dosjeve? Deputetët përgjigjen për Euronews Albania
• Studentët e zhdukur në Theth, agjentë çekë e shqiptarë zbarkojnë në Malësi të Madhe