English

Zhdukja e 3-vjeçarit në Durrës, gjykata jep masat e sigurisë për gjyshin dhe kunatin

KOMENTE

SHPERNDAJE
ARTIKULLIN

Text sizeAa Aa

Gjykata e Durrësit ka dhënë masën e sigurisë “Arrest me burg” për Rexhep Gjuni gjyshin e 3-vjeçarit të zhdukur disa ditë më parë.

- Advertisement -

“Arrest me burg” është caktuar dhe për Arben Selajn, vëllai i bashkëshortes së Rexhep Gjunit, i cili dyshohet se e ka ndihmuar këtë të fundit në fshehjen e fëmijës.

Ndërkohë që në kërkim janë shpallur gjyshja Bahrie Gjuni dhe Flamur Salaj.

Fëmija iu mor të ëmës nga prindërit e ish-bashkëshortit dhe ende nuk ka asnjë informacion në lidhje me vendndodhjen e tij

Ishte e ëma e cila bëri denoncimin në polici, ku deklaroi se fëmija iu mor rreth një javë më parë nga prindërit e bashkëshortit të ndjerë dhe nuk iu kthye më.

Vendimi i gjykatës së Durrësit:

Vleftësimin e ligjshëm të ndalimit, të personit nën hetim R.Gjuni, i dyshuar për  kryerjen e veprës penale të “Rrëmbimi ose mbajtja peng e personit” kryer në bashkëpunim, parashikuar nga neni 109/2 e 25 të K.Penal.

Caktimin e masës së sigurimit personal ndaj personit nën hetim R. Gjuni, atë të “Arresit në burg”, të parashikuar nga neni 238 i K.Pr.Penale.

Vleftësimin e ligjshëm të ndalimit, të personit nën hetim A. Selaj, i dyshuar për kryerjen e veprës penale të “Rrëmbimi ose mbajtja peng e personit” kryer në bashkëpunim, parashikuar nga neni 109/2 e 25 të K.Penal.

Caktimin e masës së sigurimit personal ndaj personit nën hetim A. Selaj, atë të “Arresit në burg”, të parashikuar nga neni 238 i K.Pr.Penale.

Urdhërohet Prokuroria pranë Gjykatës së Shkallës së Parë të Juridiksionit të Përgjithshëm Durrës dhe Policia Gjyqësore për ekzekutimin e këtij vendimi.

Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm Tiranë brenda 5(pesë) ditëve, duke filluar ky afat nga dita e nesërme e njoftimit të vendimit të arsyetuar.

EXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

spot_img

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?