Zheji: Nëse do kishim bashkim imagjinar Berisha-Meta-Basha do kishim rotacion

Analisti Artur Zheji komentoi gjetjet e Barometrit në Euronews Albania lidhur me pëlqyeshmërinë e liderëve.

Sipas Zhejit, nëse do kishte një bashkim mes tre liderëve, Berisha-Meta-Berisha do kishim rotacion të pushtetit.

“Mendoj që përçarja e PD krijon një pamundësi reale për rotacion politik me këto përqindje që shohim. Rama ka një as në mëngë, në momentin që do ketë një situatë më dramatike në raport me drejtësinë dhe kur ta shohë që duhet patjetër të shkojë te sovrani mund të shkojë në zgjedhje të parakohshme kur PD të jetë e ndarë në 2 pjesë. Rama duket shumë i fortë me këto përqindje, forca e Ramës dhe forca e Ramës te PS është e palëkundur. Bashkimi krijon frymë, se si nuk më përket mua. Nga ky sondazh shoh që Meta ka ruajtur përqindjen, por ende nuk është publik në arenën politike për arsye të caktuara, Meta dihet ku i çon votat, te opozita. Nëse do kishim një bashkim imagjinar Berisha, Basha, Meta një federim, mund të shkohet në rotacion”, tha Zheji.

LEXONI GJITHASHTU:

• Gjetjet e Barometrit, Zheji: Besnikëria e PS ndaj liderit e frikshme, më tmerroi
• Gjetjet e Barometrit, cili është politikani më i pëlqyer në Shqipëri