Zhvillime befasuese në Turqi, tërhiqet nga gara një prej kandidatëve për president
Muharrem Ince, një nga katër kandidatët për zgjedhjet presidenciale në Turqi, është tërhequr nga gara, tre ditë përpara se njerëzit t’i drejtohen kutive të votimit.
Ince kishte qenë nën presion gjatë fushatës nga akuzat për ndarjen e votave të opozitës, kur gara me presidentin Erdogan është tepër e ngushtë.
“Po e tërheq kandidaturën time”, u tha ai gazetarëve.
Një nga arsyet e dhëna prej Ince për tërheqjen nga gara ishte publikimi i një fotografie nudo, ku pretendohej se ai shfaqej në shtrat me një grua.
Ai u ankua se për 45 ditë ndaj karakterit të tij ishte shpifur dhe se autoritetet turke nuk kishin arritur t’i mbronin reputacionin.
“Fatura të rreme, video të rreme, foto… ata morën një video nga një uebsajt izraelit pornografik dhe shtuan fytyrën time atje. Fatkeqësisht, disa njerëz në Turqi i ndanë ato për hir të të qënit në të ashtuquajturën opozitë”, tha ai.
Por ai theksoi gjithashtu se nuk dëshiron të fajësohet nga aleanca e partive opozitare nëse humbin votën presidenciale.
Vendimi i tërheqjes së Ince tre ditë përpara zgjedhjeve rrit mundësitë rivalit më të madh të Presidentit Erdogan, Kemal Kilicdaroglu, që të dalë fitues në zgjedhjet presidenciale në Turqi.
LEXONI GJITHASHTU:
Kryefaqja
4 të plagosur në sulmin amerikan në jugperëndim të Iranit
Jared Kushner i bashkohet takimit të donatorëve të BE-së për Gazën, çfarë përmban paketa 900 milionë euro
Dy tërmete të forta godasin Meksikën, sa ishte magnituda
- 09:02 U përjashtua nga Kupa e Botës, ndërron jetë arbitri holandez i akuzuar për abuzim seksual
- 09:01 4 të plagosur në sulmin amerikan në jugperëndim të Iranit
- 08:38 Jared Kushner i bashkohet takimit të donatorëve të BE-së për Gazën, çfarë përmban paketa 900 milionë euro
- 08:30 Dy tërmete të forta godasin Meksikën, sa ishte magnituda
- 08:22 Shkencëtarët zbulojnë depozitën më të madhe të arit në planet: Problemi është se është “e padukshme”
- 08:14 Macron: Franca do ta lejojë Ukrainën të prodhojë raketa franceze kruiz