Zhvillohet seanca gjyqësore për dosjen “Partizani”, Malltezi kërkon praninë e mediave

Në GJKKO mbahet seanca e radhës për dosjen “Partizani”, me të pandehur ish-kryeministrin Sali Berisha dhe dhëndrin Jamarbër Malltezi. Mësohet se ky i fundit ka kërkuar që seanca gjyqësore të transmetohet gjatë gjithë kohës live, me praninë e mediave.

Berisha do të gjykohet për akuzën e korrupsionit pasiv të zyrtarëve të lartë pasi akuzohet se, në cilësinë e kryeministrit, ka ndërmarrë veprime konkrete në miratim ligjesh dhe aktesh nënligjore, ku përfitues ishte edhe dhëndri i tij.

Jamarbër Malltezi është nën akuzë për korrupsion por edhe për pastrim parash. Sipas SPAK, ai ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.