Zjarr masiv në Tërbaç, flakët rrezikojnë banesat, kërkohet ndërhyrje nga ajri

Një zjarr me përmasa të mëdha ka rënë pasditen e sotme në fshatin Tërbaç, duke përfshirë një sipërfaqe të gjerë me pyje dhe kullota.

Për shkak të erës së fortë dhe terrenit të vështirë malor, flakët po përhapen me shpejtësi në drejtim të banesave, duke shkaktuar panik tek banorët.

Banorët e zonës, së bashku me autoritetet vendore, kanë bërë thirrje urgjente për ndërhyrje nga ajri, pasi mjetet zjarrfikëse të vendosura në terren kanë vështirësi të arrijnë në vatrat e zjarrit. Situata paraqitet mjaft e rrezikshme, ndërsa rreziku për përfshirjen e shtëpive nga flakët sa vjen e shtohet.

Forcat zjarrfikëse nga bashkia dhe zonat përreth ndodhen në vendngjarje, por theksojnë se pa mbështetje ajrore është e vështirë të vihet nën kontroll një zjarr i këtyre përmasave.

LEXONI GJITHASHTU:

• PAMJE/ Zjarret i afrohen Tiranës, vatra aktive në Tufinë e pranë Rrugës së Elbasanit
• Dita e gjashtë nën flakë, përkeqësohet situata me zjarret në Finiq