Zjarr në lagjen e romëve në Gjirokastër, digjet një banesë

Pasditen e së enjtes në lagjen e romëve, në periferi të qytetit të Gjirokastrës është regjistruar një zjarr problematik. Flakët janë shfaqur në banesën e improvizuar të shtetasit me inicialet V.Xh duke rrezikuar edhe banesat e tjera.

Si shkak i materialeve me të cilat ishte ndërtuar kjo banesë flakët janë përhapur me shpejtësi duke e djegur në pak minuta ndërsa nga zjarri nuk janë lënduar pjesëtarët e familjes.

Ndërhyrja e Shërbimit Zjarrfikës ka lokalizuar përhapjen e zjarrit si dhe ka evituar rrezikun për banesat e tjera. Grupi hetimor po punon për zbardhjen e plotë të shkaqeve të zjarrit në banesë.