Zjarr në nënstacionin elektrik në Shkodër, një pjesë e qytetit pa energji elektrike

Djegia e një kabine elektrike në qytetin e Shkodrës ka provokuar një zjarr të madh në nënstacionin elektrik të Draçinit.

Pas një shkëndije elektrike që ka djegur një kabinë elektrike te një pallat në rrugën “Vëllezërit Frashëri” në Shkodër, është shkaktuar një masë elektrike në nënstacionin elektrik në vendin e quajtur “Draçin”.

Si pasojë, në nënstacion është ndezur zjarr dhe përhapja e flakëve ka shkaktuar zjarr dhe në magazinën në pronësi të shtetases R. L., 34 vjeçe, objekt që ndodhet në afërsi të nënstacionit. Nga zjarret ka vetëm dëme materiale.

Një pjesë e qytetit të Shkodrës është pa energji elektrike ndërkohë 3 automjete zjarrëfikëse po punojnë për shuarjen e flakëve.

LEXONI GJITHASHTU:

• RENEA “blindon” Shkodrën, ushtrohen kontrolle në disa banesa me urdhër të SPAK
• Masakra Dobraçit/ Kontrollohet banesa e Safet Bajrit, SPAK lëshon urdhër-arreste