Një zjarr ka shpërthyer në një banesë në lagjen “18 Shtatori”, pranë Universitetit të Gjirokastrës, duke shkaktuar panik tek banorët e zonës.
- Advertisement -
Si pasojë e flakëve dhe tymit, dy të moshuar kanë mbetur të asfiksuar. Njëri prej tyre ka marrë edhe plagë të lehta, ndërsa dyshohet se shkak për shpërthimin e zjarrit ka qenë një bombol gazi.
Zjarrfikësit kanë reaguar shpejt dhe kanë arritur të vënë nën kontroll situatën, duke shpëtuar jetët e të tjerë banorë. Për fat të mirë, nuk ka raporte për viktima, por dëmet materiale janë të konsiderueshme.
Autoritetet kanë nisur hetimet për zbardhjen e rrethanave të ngjarjes, duke theksuar gjithashtu rrezikun që paraqesin përdorimi i bombolave të gazit në kushte të pasigurta.
LEXONI GJITHASHTU:
- Dhuna në derbin Partizani-Tirana, FSHF ja faturon fajin policisë
- Zjarret në automjete rrezikojnë përdoruesit e rrugës në Gjirokastër
