Zjarret në automjete rrezikojnë përdoruesit e rrugës në Gjirokastër

Shpesh herë, automjetet përfshihen nga flakët gjatë lëvizjeve në rrugë. Arsyet e shkaqeve janë të ndryshme, ndërsa zjarri ve në rrezik jetën e drejtuesve të automjeteve. Forcat zjarrfikëse në Gjirokastër apelojnë që të bëhet rregull që çdo makinë të jetë e pajisur me fikëse zjarri, për të shmangur pasojat e flakëve.

Përgjatë ditëve të fundit në Gjirokastër janë regjistruar disa zjarre në automjete ndërsa udhëtonin në rrugët kombëtare të Qarkut. Dy makina u shkrumbuan nga flakët e zjarrit ne segmentet Kardhiq-Delvinë dhe Këlcyrë-Përmet duke rrezikuar jetën e personave që ndodheshin brenda tyre por edhe të përdoruesve të rrugës. Sipas ekspertëve zjarrfikës, shkak i këtyre zjarreve kanë qenë problemet teknike dhe mosmirëmbajtja e automjeteve

 “Ndikon shumë  zakonisht janë probleme në pjesën e motorit të automjetit, bllokohen pjesët e motorit duke bërë tejnxehjen e mjetit  që shkakton edhe zjarrin, më shumë janë defekte teknike”,-tha Renato Grabova, specialist zjarrfikës.

Ekspertët zjarrfikës apelojnë që krahas kontrolleve të vazhdueshme teknike automjetet të disponojnë edhe paisjet për fikjen e zjarreve.

 “Mirë do të ishte që çdo automjet  të ketë edhe një fikse zjarri  sepse është shumë efektive  në rastet e zjarrit,  momenti i parë është gjithmonë vendimtar për shuarjen e zjarreve në automjete”, Grabova.

Përgjatë muajit janar efektivët zjarrfikës në Gjirokastër kanë ndërhyrë edhe në 12 raste për shuarjen e zjarreve në banesa dhe biznese.

LEXONI GJITHASHTU:

• Zjarr te Spitali Psikiatrik/ Policia tregon shkaqet, reagon dhe QSUT
• EMRI| Arrestohet 22-vjeçari në Shkodër, i kërkuar për plagosje me armë zjarri