Zjarr në një ndërtesë 10-katëshe në Lion: Katër të vdekur, 10 të plagosur

Katër persona humbën jetën sot në një zjarr që shpërtheu herët këtë mëngjes në një ndërtesë banimi në Lion, konfirmuan zyrtarët lokalë për BFM Lyon.

Zjarri shpërtheu rreth orës 5:10 të mëngjesit në një ndërtesë dhjetëkatëshe, pranë qendrës tregtare “La Par-Dieu”, raporton BFMTV franceze.

78 zjarrfikës u dërguan në vendngjarje, me mbështetjen e shërbimeve të emergjencës dhe policisë.

Zjarri u lokalizua dhe u shua pak para orës 7 të mëngjesit.

“Pavarësisht ndërhyrjes së shpejtë, katër persona vdiqën. Dhjetë persona të tjerë u ekzaminuan në vend”, thanë autoritetet lokale në një deklaratë.

LEXONI GJITHASHTU:

• Francë, kryeministri premton pezullimin e reformës së pensioneve
• Presidenti i Madagaskarit arratiset me avion ushtarak francez pas protestave