Zjarret masive në Kili, shkon në 112 numri i viktimave

Ka shkuar në 112 numri i viktimave nga zjarret që kanë ‘pushtuar’ Kilin.

Sipas mediave të huaja, Presidenti kilian Gabriel Boric paralajmëroi se numri i të vdekurve mund të rritet më tej, ndërsa punonjësit e shpëtimit kërkojnë në rrënojat e ndërtesave të shembura.

Zjarret janë të përhapura në periferi të Vina del Mar. Zjarrfikësit luftuan zjarret masive në pyje në Kilin qendror, të cilat vranë më shumë se 100 njerëz dhe lanë qindra të pastrehë.

Po ashtu nga zjarret rezultojnë edhe qindra persona të zhdukur.

Të paktën 1600 persona kanë mbetur gjithashtu të pastrehë si pasojë e zjarreve pyjore, të cilat kanë shpërthyer në rajonin qendror të vendit që prej fillimit të tyre disa ditë më parë.

Zjarret janë në periferi të qytetit bregdetar të Vina del Mar, që ndodhet 75 milje (122 km) në perëndim të kryeqytetit Santiago dhe shtëpia e rreth 300,000 njerëzve.

Disa lagje në skajin lindor të Vina del Mar janë shkatërruar tashmë, ndërsa 200 persona janë raportuar të zhdukur nga qyteti dhe zonat përreth.

Një kopsht i famshëm botanik i themeluar në vitin 1931 u shkatërrua gjithashtu nga flakët.

Të dielën pasdite, Shërbimi i Mjekësisë Ligjore i Kilit tha se të paktën 112 persona dihej se kishin vdekur.

“Na vjen keq për tragjedinë që po shpaloset dhe u dërgojmë ngushëllimet tona familjeve që janë prekur”, tha agjencia në një deklaratë të postuar në faqen e saj të internetit.

LEXONI GJITHASHTU:

• Tragjedi në Kili, shkon në 99 numri i të vdekurve nga zjarret
• Zjarret në Kili| 64 të vdekur, dyshohet se numri i viktimave do vazhdojë të rritet