Zjarret në Kili| 64 të vdekur, dyshohet se numri i viktimave do vazhdojë të rritet

Numri i viktimave të zjarreve të pyjeve që vazhdojnë të tërbojnë në Kilin qendror është rritur në 64 dhe numri i viktimave ka të ngjarë të vazhdojë të rritet, njoftuan sot autoritetet lokale.

“Ne e dimë se ky numër do të rritet, do të rritet ndjeshëm”, tha presidenti kilian Gabriel Boriç në një fjalim televiziv, raporton Reuters.

Shërbimet e urgjencës po përpiqen të frenojnë elementin e zjarrtë që kërcënon edhe zonat urbane.

Tymi i zi shpërtheu mbi shumë pjesë të rajonit Valparaiso në Kilin qendror, shtëpia e gati një milion njerëzve dhe zjarrfikësit po përdornin helikopterët për të luftuar zjarrin.

Zonat përreth qytetit turistik bregdetar të Vina del Mar janë ndër më të goditurat, me ekipet e shpëtimit që përpiqen të arrijnë të gjitha zonat e prekura.

Ministrja e Brendshme Karolina Toha tha se vendi po përballet me fatkeqësinë e tij më të keqe që nga tërmeti i vitit 2010, i cili vrau rreth 500 njerëz.

“Zona e prekur nga zjarret sot është shumë më e vogël se vitin e kaluar, (por) tani zona e kërcënuar nga zjarri po rritet”, tha Toha.

LEXONI GJITHASHTU:

• OSBE: Të respektohen të drejtat e komuniteteve joshumicë në Kosovë
• “Në 2005 parlamenti kishte vetëm 10 gra”, Diana Çuli: Flisja e një sallë me burra…