“Në 2005 parlamenti kishte vetëm 10 gra”, Diana Çuli: Flisja e një sallë me burra…

Shkrimtarja dhe politikanja Diana Çuli ishte e ftuara e cila hapi ciklin e intervistave në emisionin më të ri në Euronews Albania, “Interview”.

Në një rrëfim përballë Mirela Milorit, Çuli tregoi hapat e saj të parë në politik. Ajo është futur në politik në vitin 2005, ku në parlament ishin vetëm 10 gra, ndërsa një sallë me burra e shikonin siç u shpreh ajo “me keqardhje” kur ajo ngrihej në foltore.

“Kur unë kam hyrë në parlament në vitin 2005, ka pasur vetëm 10 gra. Mua më kujtohet që ngrihesha te ai podiumi dhe kisha përpara një sallë me burra që më shikonin edhe me keqardhje duke menduar “u ngrit kjo e shkreta, çfarë do të thotë kjo e shkreta”.

Unë kisha edhe “damkën” që isha shkrimtare, kjo ishte edhe më keq, se shkrimtarin e kuptojnë si një gjë kot, poezi dashurie e kështu. Në atë 5-vjeçar, nga të dyja palët ne vinim nga “Lëvizja e gruas” ne kemi bërë ligjin e barazisë gjinore dhe shumë ligje të tjera”,-tha Diana Çuli.

LEXONI GJITHASHTU:

• PROFIL | Deputeti 34-vjeçar përballë drejtësisë, bëri karrierë nëpër parti
• PROFIL | Nuredin Dumani i përfshirë në disa vrasje, përplasjet me Talo Çelën