PROFIL | Deputeti 34-vjeçar përballë drejtësisë, bëri karrierë nëpër parti

Alqi Bllako, deputeti socialist për të cilin është kërkuar arrestimi nga SPAK, është 34 vjeç dhe ka një karrierë të pasur politike për vitet që ka mbi supe.

Ai për disa vite ishte pjesë e Partisë Demokratike, por pa mbajtur detyra ekzekutive. Bllako filloi afrimin me Lëvizjen Socialiste për Intgrim, e cila i besoi detyra të rëndësishme në ministritë që drejtoi gjatë mandatit 2013-2017.

Në 4 vite që Ministria e Mjedisit u drejtua nga Lefter Koka,  ai mbajti detyrën e Sekretarit të Përgjithshëm. Kjo është dhe periudha kur u hartuan dhe miratuan tre kontratat e inceneratorëve të Elbasanit, Fierit dhe Tiranës.

Pasi Partia Socialiste fitoi e vetme zgjedhjet e 2017,  Bllako u largua nga Ministria e Mjedisit duke marrë detyrën e Sekretarit të Përgjithshëm të Presidencës.

Për një vit ai ishte një ndër njerëzit më të besuar të Ilir Metës. Në 2018 ai largohet nga kjo detyrë pas ftohjes së Lefter Kokës me LSI-në.

Nga 2018 deri në 2019 Bllako ishte drejtor ekzekutiv i “Albanian Gas Service Company”. 2019 ishte viti kur Lefter Koka nuk dogji mandatin e tij të deputetit.

Pas kësaj Alqi Bllako u katapultua në detyrën e drejtorit të Agjencisë Kombëtare të Ujësjellës Kanalizime dhe Infrastrukturës së Mbetjeve. Këtë detyrë e mbajti deri në vitin 2022, kohë kur kandidua nga Partia Socialiste si deputet I qarkut të Tiranës.

Për çudinë e të gjithëve ai ishte në listën e sigurt duke u renditur i 17 dhe linte pas vetes figura më kontribut në partinë socialiste.

Alqi Bllakoi tashmë ka lënë mandatin për t’iu dorëzuar drejtësisë pasi akuzohet për korrupsion, falsifikim dhe shpërdorim detyre.

LEXONI GJITHASHTU:

• Dorëzimi i mandatit i hap rrugën arrestimit të Bllakos pa miratim nga Kuvendi
• SPAK kërkon arrestimin e deputetit të PS-së
• Korrupsion dhe pastrim parash, SPAK akuza zyrtare për Kokën dhe Bllakon