Zjarret në Dropull, reshjet e shiut ndihmojnë në lehtësimin e situatës

Reshjet e shiut duket se po ndihmojnë në lehtësimin e situatës së zjarrit në fshatin Grapsh të Gjirokastrës. Situata me zjarrin dukej shumë serioze në këtë zonë pasi flakët ishin shumë pranë banesave.

E ndërkohë që shiu u ka ardhur në ndihmë, policia po bën edhe krehjen e zonës në mënyrë që të ndihmojë banorët që mund të kenë pasur probleme nga tymi. Sipas informacioneve nuk ka banesa të djegura. Ndërkohë raportohet se ka dëme të konsiderueshme në kullota.

Në Dropull era e fortë favorizoi flakët e zjarrit, duke bllokuar rrugën Gjirokastër-Kakavijë. Ndërkohë është bllokuar dhe qarkullimi në aksin nacional Gjirokastër – Kakavijë.

Ministria e Mbrojtjes i bën thirrje të gjithë banorëve në fshatrat e përfshirë nga zjarret, të bashkëpunojnë me forcat në terren në rast nevoje, për të evituar çdo rrezik për jetën e tyre.

LEXONI GJITHASHTU:

• Zjarret në Dropull, bllokohet rruga Gjirokastër-Kakavijë, flakët i afrohen fshatit
• Zjarr në Muzinë, digjen pemë frutore. Ndërhyhet me helikopter nga ajri