Zjarret në Gjirokastër, kryebashkiaku thirrje barinjve: Mos luani me zjarrin!

Ndërsa zjarret janë kthyer në shqetësim në zonën e Gjirokastrës, kryetari i Bashkisë Flamur Golemi ka apeluar për parandalimin e vatrave të zjarreve në pyje dhe kullota.

Në një postim në rrjetet sociale kryebashkiaku ka falënderuar skuadrën zjarrfikëse, ushtarët, punonjësit e bashkisë dhe komunitetin për lokalizimin e zjarrit problematik në kullotat e fshatrave të Odries.

“Sakrifica juaj s’ka të çmuar,” – u shpreh Golemi ndërsa përsëriti thirrjen për barinjtë dhe banorët e fshatrave që të mos luajnë me zjarrin.

“Nuk bëhet shaka,” – tha kryebashkiaku.

Gjatë ditëve të para, të gushtit në Gjirokastër janë rikthyer zjarret e verës. Falë ndërhyrjes në kohë për shuarjen e tyre zjarret kanë shkaktuar vetëm dëmtimin e sipërfaqeve kullosore pa cenuar pronën materiale të banorëve.

LEXONI GJITHASHTU:

• Përhapen zjarret në pyje, banorët në Kanada urdhërohen të evakuohen
• Riaktivizohen zjarret në Gjirokastër, ndërhyn ushtria