Zjarri i përmasave të mëdha përfshin fabrikën e plastikës në Elbasan

Një zjarr i përmasave të mëdha ka përfshirë ambientet e një fabrike pranë ish-Kombinatit Metalurgjik në Elbasan.

Siç shihet dhe nga pamjet e siguruara nga Euronews Albania, shtullunga të mëdha tymi shihen të dalin nga vatra e zjarrit në brendësi të fabrikës.

Gazetarja e Euronews Albania, Edlira Xherri bëri me dije se në vendngjarje kanë mbërritur ekipet  zjarrfikëse të cilat po punojnë për vënien nën kontroll të flakëve.

Flakët e zjarrit janë tepër të fuqishme dhe kanë përfshirë dhe një fabrikë tjetër në krah të asaj të plastmasit.

Në vendngjarje kanë mbërritur dhe autoambulancat, ndërkohë që nuk raportohet për persona të lënduar.

Vlen të theksohet se në ambientet e Kurum ndodhen dhe punonjësit e kompanisë, të cilët po largohen nga aty.

Nga pamjet ekskluzive të siguruar Euronews Albania, krahas zjarrit që po përhapej me shpejtësi në sfond dëgjoheshin dhe shpërthime të vogla.

LEXONI GJITHASHTU:

• Gjenden predha luftarake pranë Kurum, nisin hetimet për origjinën e tyre
• Kurum përplaset me Ministrinë e Turizmit për 800 ton mbetjet e rrezikshme