Zjarri në pyjet e Fierit, gazetari: Janë dëgjuar shpërthime municionesh

Flakët në Kreshpan, Peshtan dhe Kraps të Fierit vijojnë. Korrespondenti i Euronews Albania, Mariglen Bita tha se është gjetur një arkë me municione në pyllin e Peshtanit, kryesisht fishekë, të cilat me shumë gjasa janë aty prej vitit 97’.

Forcat e Armatosura, të cilat ndodheshin në zonë duke ndihmuar zjarrfikësit për të vënë nën kontroll flakët, janë lajmëruar menjëherë, siç bëri me dije gazetari.

“Ditën e djeshme kur ne ishim duke ndjekur live këtu në Euronews, zjarrin që ishte në fshatin Kraps, dëgjonim shpërthime të herëpashershme municionesh, por kishim një ide se mund të ishin dhe municione luftarake. Sot në mënyrë krejt rastësore ato u zbuluan nga gazetarët në një ndalesë që ata po bënin për të përcjellë lajmet e zjarrit,” – u shpreh Bita.

Ndërkohë, sa i takon flakëve, gazetari sqaroi se janë ende të përshkallëzuara, teksa shtoi se favorizohen nga era për t’u përhapur në sipërfaqe më të mëdha.

LEXONI GJITHASHTU:

• Situata e zjarreve në vend, Peleshi: Po punohet me intensitet, janë 5 vatra aktive
• Humbi kontrollin dhe doli nga rruga, motori përplas për vdekje 40-vjeçarin në Fier