Zjarri në Shëngjin|Zyrtari i bashkisë: Shpërthejnë fishekë, ka qenë zonë ushtarake

Zëvendëskryetari i Bashkisë Lezhë, Elson Frroku ka folur në një lidhje të drejtpërdrejt me Euronews Albania sa i përket përshkallëzimit të flakëve në zonën e Shëngjinit.

Sipas informacioneve, rezulton se kjo zonë ka qenë në pronëi të ushtrisë dhe për pasojë gjatë ditës ka pasur shpërthime, të cilat sipas zëvendës-kryetarit të bashkisë vijnë nga kontakti i flakëve me fishekë të përmasave të vogla që gjenden në këtë zonë.

“Kjo ka qenë një zonë ushtarake. Në gjykimin e ekspertëve bëhet fjalëpër fishekë të vegjël të një karakteri jo shumë të rrezikshëm , por duke qenë se ka qenë një zonë ushtarake asnjëherë nuk mund të flitet me një siguri shumë të plotë.” –tha zëvendës-kryetari i bashkisë.

Në fjalën e tij, Frroku tha se po bëhet ç’është e mundur për shuarjen e flakëve, shumë turistë janë evakuar dhe pritet të vijnë mjete ndihmëse nga vende të tjera që do ndihmojnë në shuarjen e flakëve.