“Zojë”- Dokumentari që rrëfen për fatin e dhimbshëm të gruas në diktaturë

‘’Zojë’’, filmi dokumentar me regji nga Pandeli Çeço, dhe skenar nga Luljeta Progni, një rrëfim për fatin e dhimbshëm të gruas në diktaturë, i treguar përmes zërit të Luljetës e historisë të mundimshme të nënës së saj.

Skenaristja dhe gazetarja Progni kishte zgjedhur të tregonte historinë e nënës së saj në vetën e parë duke e bërë edhe më emocionues përjetimin e atyre ngjarjeve të dhimbshme, si dhe në Gegnisht për të ruajtur origjinalitetin, në vazhdimësi të disa pjesëve të shkurtra të intervistës që ajo i kishte marrë nënës së saj, Zojë Progni.

Në këtë dokumentar ajo ka përshkruar gjithë vuajtjet e një brezi që u dënua dhe internua gjatë komunizmit.

“Filmi ju dedikohet të gjitha grave që u persekutuan, u internuan dhe vuajtën dhunën e diktaturës, por qëndruan me dinjitet duke mbajtur familjet e tyre e duke i bërë ballë atij represioni të egër”, është shprehur Progni.

LEXONI GJITHASHTU:

• Murgu: Seksi, një ndër kriteret më të vështira të besimit tonë ndaj Zotit Krishna
• Real People| A janë vërtetë murgjit budistë?