“Zotëri kozmopolit, e mban mirë me të gjithë”, Lapaj replika të forta me gazetarin

Juristi, Adriatik Lapaj dhe gazetari i ekonomisë, Fatos Çoçoli kanë debatuar në lidhje me situatën me të cilën përballet sot fermeri shqiptar.

Në emisionin “Now” në Euronews Albania, Lapaj deklaroi se fermerët po falimentojnë, pasi deputetë dhe politikanë janë të lidhur me një nga monopol të importit të produkteve bujqësore.

“Falimentojnë fermerët e qepës, mollës, patates. E dini pse? Çdo deputet apo politikan është i lidhur është i lidhur me nga një monopol të importit të qepës, fasuleve, vajit të ullirit. Na bëjnë shumë mirë, këto janë të vërteta, nuk janë akuza. Zotëri kozmopolit, mirë me të gjithë di ta mbaj edhe unë”, u shpreh Lapaj.

Çoçoli nuk ishte i të njëjtit mendim me Lapajn.

“Gjykoj që nuk na bëjnë dobi akuza pa emra. Në rast se nuk lejojmë fermerin grek të shesë mandarinat e tij në Shqipëri, do kemi probleme me Bashkimin Evropian. Nëse ne fillojmë të godasim në tym, në formën e një qarë hallësi profesionist, nuk e ndihmojmë qytetarin”, theksoi Çoçoli.

LEXONI GJITHASHTU

• Prodhuesit: Pse nuk i rrisim dot pagat aq sa t’i mbajmë shqiptarët që duan të ikin
• Çfarë përfitojnë shqiptarët nëse miratohet “minimumi jetik”
• Aktivisti shpjegon çfarë do të thotë për qytetarët minimumi jetik 20 mijë lekë