Vasilika Vjero, zv/ministe e Financave dhe Ekonomisë, në një lidhje ‘live’ me Ilva Now foli për atë se çfarë do të ndodhë me ekonominë shqiptare për shkak të krizë së shkaktuar nga COVID-19 dhe masat që qeveria ka marrë për të ndihmuar bizneset dhe individët në këtë situatë.

Znj. Vjero tha se një nga inciativat e para të marra nga qeveria është miratimi i një pakete për ndihmë financiare për ata të punësuar të cilët e kanë të pamundur të vijojnë punën e tyre, pasi bizneset ku ata punojnë janë mbyllur në kuadër të masave kundër COVID-19. Janë një numër i konsiderueshëm, rreth 60 mijë individë. Janë përzgjedhur ato biznese që kanë nga fasha 0-14 mln lekë qarkullim vjetor.

Të vetëpunësuar, bizneset e vogla. Këta do të jenë përfituesit e pagesës 26 mijë lekë të reja, që është paga miniamale, para të cilat do të derdhen në llogarinë e tyre personale, jo atë të biznesit ku janë punësuar”, tha zv/ministrja.

Zv/ministrja sqaroi se këtë pagesë do ta përfitojnë punonjësit e deklaruar, pra ata që paguajnë sigurime shoqërore dhe shtoi se Vendimi i Këshillit të Ministrave lidhur me këtë pagë i nis efektet më 1 prill.

“Ndaj kjo gjë do të ndodhë siç ndodh në këto raste, 1 muaj më vonë. Pagesa do të bëhet nga qeveria në llogarinë direkte të të punësuarve”, tha znj. Vjero.

E pyetur lidhur me shqetësimin e adresuar nga Konfindustria, se fakti që nga qeveria është shtyrë vetëm afati i bilanceve, por jo i pagesës së tatim-fitimit mund të sjellë gabime, znj. Vjero theksoi se nga ana e qeverisë është vlerësuar se bizneset e mëdha nuk do të kenë asnjë vështirësi që të paguajnë tatim- fitimin brenda 31 marsit.

“Nuk ka asnjë vështirësi që të dalë deklarata që përmbledh fitimin për 2019”, tha ajo.