Zviceranët arritën jetëgjatësinë rekord në 2023

Qendra për Mjekësinë e Përgjithshme dhe Shëndetin Publik të Universitetit të Lozanës njoftoi sot se zviceranët nuk kanë jetuar kurrë aq gjatë sa në vitin 2023. Studiuesit nga Universiteti i Lozanës vlerësojnë se ishte 85.5 vjet për gratë dhe 82.2 vjet për burrat.

Në vitin e mëparshëm rekord të 2019-ës, jetëgjatësia ishte 85.6 vjet për gratë dhe 81.9 vjet për burrat. Në vitin 2020, ky numër ra në 85.1 dhe 81 me fillimin e epidemisë së koronavirusit, përpara se të mbetej nën nivelet rekord në 2021 dhe 2022, raporton Swiss info.

Rekordi i jetëgjatësisë së popullsisë u regjistrua në gjysmën e parë të vitit 2023, tregoi hulumtimi.

“Gjatë kësaj periudhe nuk ka pasur ndonjë epidemi të theksuar gripi. Edhe pse ka pasur një valë vdekjesh në fund të vitit, kjo nuk ka ndryshuar trendin”, thuhet në njoftim.

Studiuesit e qendrës llogaritën jetëgjatësinë bazuar në të dhënat nga Byroja Federale e Statistikave.

Vitin e kaluar, kishte 7,900 vdekje për milion banorë për gratë dhe 7,400 për milion burra.

Qendra vuri në dukje se mbetet për t’u parë nëse ky trend rritës do të vazhdojë ose nëse kurba e jetëgjatësisë do të rrafshohet apo ngadalësohet, siç është rasti në vendet e tjera.

LEXONI GJITHASHTU:

• Zviceranët i drejtohen referendumit në përpjekje për t’u bërë kombi i parë evropian që ndalon pesticidet
• Zviceranët mbështesin masat shtrënguese kundër COVID-19