Zyrtari i lartë amerikan mbërrin në Tiranë, pritet të vizitojë edhe Prishtinën

Ndihmës Sekretari i Shtetit për Çështjet Ndërkombëtare të Narkotikëve dhe të Zbatimit të Ligjit, Todd Robinson mbërriti në Tiranë për një vizitë zyrtare.

Lajmi është bërë me dije nga ambasada e SHBA sipas të cilës, Robinson rikthehet në Tiranë pasi ka shërbyer më parë në ambasadën tonë prej vitit 2004 deri në vitin 2006.

“Gjatë vizitës së tij, Ndihmës Sekretari Robinson do takohet me stafin e Ambasadës së SHBA, Kryeministrin Edi Rama, anëtarë të qeverisë, të institucioneve të drejtësisë dhe të zbatimit të ligjit për të theksuar bashkëpunimin e fortë mes Shteteve të Bashkuara dhe Shqipërisë”, thuhet në postimin e ambasadës amerikane në Facebook.

Ndërkaq, pas qëndrimit në Tiranë, ai pritet të zhvillojë një vizitë edhe në Prishtinë.

LEXONI GJITHASHTU:

• Osmani: Është arritur dakordësi për një pjesë të propozimit amerikan për dinarin
• Arian Çani: Amerikanët kanë takuar liderin e ri që do i dalë përballë Ramës