Mandati Liz Truss si kryeministre e Britanisë së Madhe u përfshi në një kaos edhe më të madh të mërkurën kur Suella Braverman, sekretarja e saj e Brendshme dha dorëheqjen 7 javë pas marrjes së postit për përdorimin e një adrese emaili personal që shkelte rregullat ministrore.
Braverman tha se ajo “i dërgoi një dokument zyrtar nga emaili personal tek një koleg i besuar parlamentar si parti e angazhimit të politikave”.
“Kjo përbën një shkelje teknike të rregullave”, shkroi ajo në një letër dorëheqjeje, e cila ishte gjithashtu e ashpër për udhëheqjen e Truss dhe tregonte çarje të thella në qeverinë se saj.
“Biznesi i qeverisë mbështetet tek njerëzit që pranojnë përgjegjësinë për gabimet e tyre. Të pretendosh se nuk kemi bërë gabime, të vazhdosh sikur të gjithë nuk mund ta shohin se ne i kemi bërë ato dhe të shpresosh se gjërat do të shkojnë në rregull me magji nuk është një politikë serioze”, shkroi Braverman në një kritikë të fshehtë për kthesat e shumta të Truss mbi taksat dhe shpenzimet publike.
“Kam shqetësime për drejtimin e kësaj qeverie”, tha Braverman. “Jo vetëm që kemi thyer zotimet kyçe që u janë premtuar votuesve tanë, por kam shqetësime serioze për angazhimin e kësaj qeverie për të respektuar zotimet e manifestit”.
Truss pranoi dorëheqjen e Braverman, duke thënë se “është e rëndësishme që kodi ministror të respektohet dhe të respektohet konfidencialiteti i kabinetit”, tha ajo në një letër.
Grant Shapps u emërua si zëvendësuesi i Braverman në Zyrën e Brendshme, shkroi Downing Street të mërkurën.
LEXONI GJITHASHTU:
- A do të mbijetojë Liz Truss?
- Britania në krizë ekonomike, Liz Truss kërkon falje: Bëra gabime, por i rregullova
