Investimet e huaja në Shqipëri kanë kapur shifrën e 1.6 miliardë eurove vitin e kaluar, duke shënuar një rritje prej 92 milionë kundrejt 2023-it.
Në analizën e Bankës Qendrore, Turqia ishte investitori më i madh, kompanitë e së cilës investuan 257 milionë eurove. Stoku i investimeve turke në fund të vitit 2024, arriti 1.3 mld euro, me rritje vjetore rreth 25%.
Ndërmarrjet turke janë të shtrira prej vitesh në sektorin bankar, energjitik dhe industrinë nxjerrëse, ndërsa janë zgjeruar edhe në sektorin e pasurive të paluajtshme e ndërtim.
Pas Turqisë, investitori i dytë më i madh për vitin 2024 ishte Italia, me një fluks total prej 200 milionë eurosh. Ndërkohë, Holanda pas 5 vitesh kryesim, ka zbritur në vendin e tretë. Vlera e investimeve holandeze ra në 176 milionë euro, ndërsa stoku ishte 2.54 miliardë eurove. Tërheqja e kompanisë Shell nga kërkimet e naftës në Shpirag, ndikoi në klasifikimin e investitorëve më të mëdhenj në Shqipëri.
Ndër të paktët investitorë të mirëfilltë holandezë në Shqipëri është kompania Shell, që vlerësohet se në vitet e fundit ka kryer investime të mëdha për me shpimet në zonën naftëmbajtëse të Shpiragut.
LEXONI GJITHASHTU:
- Kosovë| Certifikohen rezultatet e 9 shkurtit, LVV-ja voton kundër
- Pesë persona të plagosur nga sulmi me thikë në Amsterdam, arrestohet autori
