Një emigrant ka vdekur dhe të paktën 24 të tjerë janë zhdukur pasi një varkë u fundos në brigjet e ishujve Kanarie të Spanjës.
Personat që shpëtuan pjesën tjetër të varkës thanë se kishin marrë paralajmërime nga Garda Civile se 61 emigrantë ishin larguar nga Saharaja Perëndimore me një varkë të vogël.
Një aeroplan i Gardës Bregdetare spanjolle vuri re varkën që u ndihmua nga dy anije tregtare dhe një helikopter.
36 persona u shpëtuan në jug të ishullit Gran Canaria në Oqeanin Atlantik, tha roja bregdetare në Tëitter .
Spanja mbetet një nga pikat kryesore të hyrjes për emigrantët e paligjshëm që përpiqen të arrijnë në tokën evropiane.
Gjithsej 6 359 emigrantë kanë mbërritur në Ishujt Kanarie nga 1 janari deri më 15 prill të këtij viti, sipas Ministrisë së Brendshme të Spanjës. Shifra është gati 60% më shumë se shifra në të njëjtën periudhë të vitit të kaluar.
LEXONI GJITHASHTU:
