1 milion dollarë për votues, Musk: Fituesi duhet të mbështesë Trump

Miliarderi i teknologjisë Elon Musk do t’i dhurojë 1 milion dollarë çdo ditë për një votues të regjistruar në shtetin kyç të Pensilvanisë, deri në zgjedhjet presidenciale të SHBA-së në nëntor.

Fituesi do të zgjidhet rastësisht nga ata që firmosin një peticion në mbështetje të Kushtetutës nga grupi i fushatës së Musk. Ky grup është krijuar për të mbështetur kandidaturën e Donald Trump për t’u rikthyer në Shtëpinë e Bardhë.

Çekun e parë në stilin e lotarisë e mori një pjesëmarrës i befasuar në një eveniment në qytet të shtunën në mbrëmje. Ky dhurim do të ndihmojë në inkurajimin e votuesve potencialë të Trump-it të angazhohen në fushatë gjatë javëve të fundit të tensionuara para zgjedhjeve më 5 nëntor.

Ata që firmosin peticionin, i cili angazhohet për mbrojtjen e fjalës së lirë dhe të drejtave për armë, do të duhet të japin detajet e kontaktit të tyre.

Musk më parë kishte ofruar të jepte 47 dollarë për çdo person që do të arrinte të bënte një votues të regjistruar të nënshkruante peticionin.

Sipas ligjit amerikan, kjo fushatë është e ligjshme, sepse askush nuk po paguhej për të votuar. Musk deri tani ka dhuruar 75 milion dollarë për fushatën zgjedhore të Trump.

LEXONI GJITHASHTU:

• Elon Musk drejt rrugës për t’u bërë së shpejti trilioneri i parë në botë
• “A mund të manipulohet vota e diasporës?” Eksperti Kume: Ja si zgjidhet çështja