Mjekja nefrologe, Marsida Duli deklaroi se 1 në 7 të rritur në Shqipëri vuajnë nga sëmundjet kronike të veshkave.
Në emisionin “Good Morning Albanians” në Euronews Albania, Duli u shpreh se shifrat janë në rritje.
Sipas Dulit, me këto ritme, së shpejti mund të përballemi me një epidemi të sëmundjes së veshkave.
“1 në 7 të rritur vuajnë nga sëmundjet kronike në Shqipëri. Janë shifra që janë në rritje, me hapa galopantë dhe mund të përballemi shumë shpejt me një epidemi të sëmundjes së veshkave. Aktualisht, rritja e shifrave të pacientëve që vuajnë nga sëmundjet e veshkave, ka shkaqe të ndryshme”, theksoi ajo.