“100 familje rrezikojnë të ardhurat”, Banori i Komanti: Po u bllokohen varkat…

Bllokimi i varkave për shkak të mungesës së dokumentacionit është bërë një problem që ka prekur thuajse 100 familje në zonën e Komanit.

Paulin Gjetja, një banor i Komanit, ishte i ftuar këtë të diel në Euronews Albania për të folur rreth kësaj situate.

Ai tha se nga bllokimi i varkave artizanale janë prekur rreth 100 familje të cilave u është hequr kështu e vetmja mundësi për të nxjerrë fitime.

“Bllokimi i varkave ndikon aq fuqishëm sa që njerëzit që tani kanë filluar të thonë se ne nuk rrimë më në Shqipëri dhe duan të ikin. Ata gati 100 persona që deri më tani kanë mundur të çojnë në familje ushqim nga puna me këto varka, thonë nuk mundemi më, janë dorëzuar.

Është gjëja e vetme që i ka mbajtur njerëzit në këto zona kaq të vështira sa është këtu lugina e Komanit, një zonë shumë e vështirë për ushqimin, shkollimin, spitale, s’ka asnjë rrugë, këta mundohen t’i bëjnë të gjitha vetë këta, i bllokojnë edhe këtë pjesë të vogël të turizmit që i ka mbajtur për të qëndruar në shtëpitë e tyre. Edhe turizmi këtu sezonal është ne fillojmë në 1 maj dhe e mbarojmë në fund të shtatorit”,-tha Paulin Gjetja.

LEXONI GJITHASHTU:

• Basha uron Tajanin për zgjedhjen në krye të Forza Italia: Pres me padurim takimin
• Shala: Nëse qeveria nuk gjen një urë bashkëpunimi, do kemi konflikt civil në Kosovë