100 vite më parë korçarët pasi krijuan bandën e qytetit dhe formacione të ndryshme muzikore, me ndihmën e shqiptarëve të Amerikës dhe Bukureshtit krijuan edhe orkestrën simfonike,e cila për shumë vite ka mbajtur gjallë jetën artistike të “Parisit të vogël”.
Pas vitit 1990 orkestra ndaloi aktivitetin e saj artistik për t’u rikthyer pas 100 vitesh. Korça dhe Shkodra, për kompozitoret e njohur Zef Coba e Zhani Ciko janë qytetet më aktivitete të shumta muzikore në këto 100 vite.
“Më e lehtë është ta prishesh, Korça, Shkodra kishin orkestër simfonike, orkestër frymore të konsoliduar. Janë trajtuar me kujdes nga institucionet e kohës, ka të bëjë me shpirtin artistik të këtyre qyteteve. I kanë dhënë artit kombëtar shumë. Ka tradita të mëdha. Ringjallja ka vështirësitë e veta po mendoj se është dëshira e vet artistëve. ”
“Lajm i shkëlqyer sepse Korçës nuk i kanë munguar trupat artistike. Janë të lidhura me patriotizmin, gjithë lëvizja kulturore, banda e lirisë, banda e viteve 20 me luftën e Vlorës, këta ishin djemtë e Korçës, Thoma Nasi djalë Dardhar që iku Amerikë e u kthye në Korçë. 2:30 jam shumë i gëzuar që kjo traditë muzikëdashese përballë një qendre të tillë është lajm i gëzuar që zemra ne korçarëve na behet mal”-tha Zhani Ciko.
Drejtoresha e Qendrës së Artit dhe Kulturës Zamira Kita tha se nuk ka qenë aspak e lehtë për të rikthyer edhe njëherë tjetër një orkestër kaq të madhe muzikore.
“Ka qenë shumë e vështirë sepse prej vitesh kemi hapur orkestër harqesh e mbas kaq vitesh menduam të rikthejmë orkestrën simfonike e sot në 6 Prill të 2024 bëhen 100 vite, 6 Prill 1924 Thoma Nasi luajti dy materiale me orkestrën simfonike. Dirigjent do të jetë Ilri Erzeni, ky institucion është vlerë e shtuar për Korçën.
Të gjithë do të kenë sallat e tyre ku do bëjnë prova, vlerë e madhe është dhe Galeria “Guri Madhi”, të gjithë do e vizitojnë, ka ambiente të tjera për ekspozita të ditës”-tha Zamira Kita Drejtore e Qendrës së Artit dhe Kulturës.
Me rastin e 100 vjetorit të orkestrës simofike të Korçës bashkia e këtij qyteti ka çelur qendrën e Kulturës dhe Inovacionit ku të rinj do të kenë mundësi të merren kryesisht me muzikë por edhe arte te tjera.
Mbrëmë krahas orkestrës simfonike kanë interpretuar këngët e njohura korçare dhe jo vetëm edhe Kori Lira, formacioni i kompozitorit Josif Minga, tenori Kastriot Tusha e të tjerë.
LEXONI GJITHASHTU:
- Alves refuzon intervistat pas burgut/ Ish-futbollisti e konfirmon në rrjetet sociale
- Skënderbeu e Tirana për “Final 4”/ Fagu analizon kundërshtarin e së hënës