11 anëtarë të familjes Taragjini në Gramsh jetojnë në kushte mjaft të vështira, në një ndërtesë që zor se mund të konsiderohet shtëpi.

Kryefamiljarët Besimi dhe Alketa, veç dëshpërimit, dhe varfërisë nuk kanë asgjë.

Ata luten për ndihmë pasi 9 fëmijët e tyre nuk po jetojnë një ditë të bardhë.

” Si e bëj amon me të keq, me të keq vetëm me përkrahje as të ardhura asgjë hiç. 250 mije lekë ça, 9 fëmijë vete 11.” –tha kryefamiljrai, Besim Taragjini.

Familja Taragjini përbëhet nga 11 anëtarë të cilët jetojnë me vetëm 250 mijë lekë të vjetra në muaj.

” Shtëpi e pabanueshme, lagështi ja. Kam nevojë te me ndihmojnë me ushqimore, të më rregullojnë shtëpinë. Nuk më kanë ndihmuar kam vajt kudo.”-tregoi kryefamiljarja, Alketa Taragjini.

Kjo familje çdo ditë jeton me frikën e shembjes së shtëpisë.

Bashkëshortët,të dy të papunë kërkojnë ndihmë për rregullimin e shtëpisë pasi e kanë të pamundur ta ndërtojnë vetë.