“11 maji është fundi juaj”-Berisha i drejtohet PS-së nga Italia: Ligji ju pret…

Kryetari i PD dhe i koalicionit “Aleanca për Shqipërinë Madhështore” Sali Berisha ndodhet pasditen e së dielës në Brescia, në një takim me emigrantët shqiptarë.

Në fjalën e mbajtur Berisha tha se programi i ‘Aleancës për Shqipërinë Madhështore” është një program për të gjithë shqiptarët, ndryshe nga ai i paraqitur një ditë më parë në sheshin Skënderbej nga Partia Socialiste, ku sipas tij kryeministri Rama hapi fushatën më të shkretë ndonjëherë, dështimin e të cilës u përpoq ta mbulonte me këngë e me vadhe.

“Dje Toto Rina i Shqipërisë paraqiti programin, ai hapi fushatën më të shkretë që ka hapur ndonjëherë ajo parti që nga koha e partisë së punës e deri më sot. Dua të falënderoj në emrin tuaj, socialistët e Tiranës dhe qytetarët e Tiranës, dua të falënderoj punonjësit e administratës që e lanë atë në vetminë më të madhe. Jeni treguar patriotë.

Ju garantoj se programi jonë është program për të gjithë shqiptarët. Ai u përpoq të mbulojë dështimin me vallen e ministreshave të tij të stolisura me aksesorë e xhingla mingla nga më të kushtueshmet. Në të gjithë fjalën e tij, fjala qytetar nuk ekziston, hallet e qytetarëve nuk ekzistojnë, e mbyllën programin me vallen e hajdutëve duke u thënë shqiptarëve se u kemi vjedhur e do ju vjedhim. Unë u them sot se 11 maji është fundi juaj, ligji ju pret”,-tha Berisha.

LEXONI GJITHASHTU:

• LaCivita në takimin e PD me emigrantët në Itali: Keni në dorë fatin e Shqipërisë
• “Do shpëtojmë Shqipërinë nga diktatura e dytë”, Berisha takim me emigrantët në Itali