110-vjetori i Pavarësisë, mbledhja e përbashkët e kuvendeve të Shqipërisë e Kosovës

Me rastin e 110-vjetorit të Pavarësisë së Shqipërisë, sot në orën 10:00, në Kuvendin e Republikës së Shqipërisë në Tiranë, do të mbahet mbledhje e përbashkët e Kuvendit të Republikës së Kosovës dhe Kuvendit të Republikës së Shqipërisë.

Në këtë mbledhje, deputetëve do t’u drejtohet me një fjalim kryetarja e Kuvendit të Republikës së Shqipërisë, Lindita Nikolla dhe kryetari i Kuvendit të Republikës së Kosovës, Glauk Konjufca.

Mbledhja do të vijojë me fjalimin e kryeministrit të Republikës së Shqipërisë, Edi Rama dhe fjalimin e kryeministrit të Republikës së Kosovës, Albin Kurti.

Nga një fjalë përshëndetëse do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.

Në shënim të këtij përvjetori, do të mbahen edhe aktivitete të tjera kulturore. Mbrëmë është mbajtur një koncert, ku kanë marrë pjesë edhe përfaqësues të institucioneve të Kosovës.

LEXONI GJITHASHTU:

• Mbledhje e përbashkët mes qeverisë së Kosovës dhe asaj të RMV, pritet të nënshkruhen 20 marrëveshje
• Rama propozon mbajtjen e Kuvendit të përbashkët Shqipëri-Kosovë më 28 nëntor