110,000 trupat ruse s’mjaftojnë për pushtimin e Ukrainës, sipas ish-komandantit

Rusia ka mbledhur rreth 110 mijë trupa në kufi me Ukrainën, por sipas ish-komandantit të forcave detare këto janë të pamjaftueshme për pushtimin e Ukrainës.

“110 mijë trupa është forcë e pamjaftueshme për pushtimin e Ukrainës”, tha në studion e emisionit Sot, ish-komandanti Artur Meçollari.

Meçollari tha se për një pushtim nevojitën të paktën 300 mijë trupa.

Për ta ilustruar, ai dha shembullin e pushtimit të Irakut në 2003, ku Amerika dhe aleatët kishin rreth 310 mijë trupa gjatë sulmit.

“Iraku ka një sipërfaqe pak më të vogël se Ukraina dhe një popullsi të përafërt”, tha Meçollari.