111 vjetori i Policisë, Balla: Rritje pagash për efektivët, do të përdoret edhe AI

13 Janar 2024 | 11:19

Ditën e sotme Policia e Shtetit ka shënuar 111-vjetorin e themelimit të saj si institucion.

Në një event të organizuar lidhur me këtë përvjetor, ka qenë i pranishëm edhe ministri i Brendshëm Taulant Balla, i cili premtoi disa ndryshime në Polici.

Gjatë fjalës së tij, Balla tha se do të ketë rritje pagash për punonjësit e Policisë dhe kredi të buta.

Po ashtu Balla tha se do të përdoret edhe Inteligjenca Artificiale për t’i ardhur në ndihmë punës së Policisë.

“Sapo kaluam kreditë e buta për disa punonjës të policisë dhe do vijojmë me 300 të tjerë. Do t’i sigurojmë shtëpi për familjen e tyre. Po detajojmë dhe vlerësimin se sa do të jetë rritja e pagave për punonjësit e policisë së Shtetit dhe për punonjës të tjerë, të sektorit të Shëndetit Publik apo për Forcat e Armatosura dhe administratën publike.

Kërkesa ime është që në këtë rritje historike pagash për sektorin publik që do të realizojmë në 1 korrik, forcat e policisë të jenë më të vlerësuarit. Do të kemi shumë shpejt dhe në Policinë e Shtetit modele të përdorimit të inteligjencës artificiale”, tha Balla.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

U plagos në Lozhan të Maliqit, efektivi i ‘Shqiponjave’ niset me helikopter drejt Traumës

Efektivi i ‘Shqiponjave’ Edison Adri që mbeti i plagosur nga operacioni në Lozhan të Maliqit, është nisur për mjekim të specializuar drejt Spitalit të Traumës...
09:44 | 04/06/2026

Vrasja e policit në Korçë, reagon Rama: Nderim përjetë Dëshmorit të Atdheut

Kryeministri Edi Rama ka reaguar menjëherë pas ngjarjes së rëndë të ndodhur në Maliq, teksa gjatë një operacioni policor efektivi i Shqiponjës Enea Mekolli humbi...
09:33 | 04/06/2026

Vrau një polic dhe plagosi një tjetër, del fotoja e autorit të ngjarjes së rëndë në Maliq

Ky është Violand Braçellari, autori i vrasjes së një efektivi polici dhe plagosjes së një tjetri në Korçë. Nga përplasja me armë humb i jetën...
09:31 | 04/06/2026