Muaji dhjetor përkon me 115 vjetorin e hapjes së shkollës së parë të mesme shqipe në Elbasan, e quajtur ‘Shkolla Normale’. Kjo shkollë kombëtare u bë vatër e përgatitjes së mësuesve, të cilët më pas do të përçonin Gjuhën Shqipe në të gjitha trojet shqipfolëse.

“Të gjithë ne kemi kënaqësinë të festojmë 115 vjetorin e shkollës Normale, e cila ka qene themeli kryesor për të gjithë arsimdashësit. Aq me tepër në qytetin e Elbasanit se ne çdo familje ka një pjesëtar që e ka marrë gurin e themelit nga shkolla Normale.”

Për të nderuar kontributin e arsimtarëve në Elbasan, është organizuar një aktivitet, ku u vlerësuan me titujt “Qytetar Nderi” disa normalistë. Normalistët kujtojnë me nostalgji atë kohë, por theksojnë se shkolla dhe nxënësit kanë ndryshuar.

“Brezi jonë ka qenë shumë-shumë i afërt me fëmijët, shkollat atëherë kishin me kërkesa dhe ishin shumë-shumë të mira. Tashi ka ndryshuar çdo gjë edhe shkolla ka ndryshuar. “

“Ndjehem shumë e lumtur që po njihet puna jonë si arsimtarë. Kam mbaruar pedagogjiken. Atëherë shkolla ka qenë më e fortë me e rreptë, nxënësi ka qenë me i kujdesshëm kishte tjetër autoritet mësuesi. Tani janë me të lirë nxënësit ndoshta dhe kjo liria mirë i bën, po këto pajisjet teknologjike po i prishin nxënësit. Atëherë veç kinema e libër kishin.”

Elbasani nuk do të ishte djep arsimi pa “Normalen” dhe kjo shkollë nuk do të ekzistonte pa elbasanasit e nderuar si Luigj Gurakuqi, Aleksandër Xhuvani, etj. Mbi 5000 dokumente të asaj kohe ruhen edhe sot ne muzeun e shkollës.

LEXONI GJITHASHTU:

• “Ushqehemi çdo ditë, jo njëherë në vit”, pensionistët në protestë: S’mendojnë për ne
• “Do marr ca letra”- Kryemadhi paraqitet e shoqëruar nga e bija në GJKKO