“130 mln euro do paguhen”- Soko: Vendimi për Becchettin ditë e zezë për Shqipërinë

Ekonomisti Pano Soko ishte i ftuar këtë të shtunë në emisionin “Review” në Euronews Albania, ku foli në lidhje me vendimin e Arbitrazhit, ku shteti shqiptar duhet t’i paguajë 130 milionë euro biznesmenit Francesco Becchetti.

Soko tha se dita kur u dha vendimi është një ditë e zezë për Shqipërinë, se pavarësisht kohës ato para do të paguhen një ditë.

Soko i cilësoi si të papërgjegjshme deklaratat e kryeministrit Rama se Shqipëria mund të dalë nga Gjykata Ndërkombëtare e Arbitrazhit.

Është një ditë e zezë për Shqipërinë, bëhet fjalë për rreth 130 mln euro në total për të cilën është ndëshkuar shteti shqiptar. Deklrata e kryeministrit është e papërgjegjshme pasi pvarësisht se çfarë do të bëjmë ne në të ardhmen, ky vendim është marrë kur ne kemi qenë pjesë e Arbitrazhit dhe kemi aderuar në të. Pavarësisht sa e mundur është që ne të dalim në të ardhmen sepse këto janë marrëveshje, por këto do paguhen njëherë se vendimi është marrë kur ne kemi qenë pjesë e saj.

Deklarata është e papërgjegjshme komplet, çfarë do bëjmë ne, do ikim nga ky krahu këtej dhe do rikthehemi në Traktatin e Varshavës, pasi ka filluar dhe organizohet dhe ky krahu tjetër.

LEXONI GJITHASHTU:

• “Çmimi i kripur”, Mateo Spaho tregon sa do paguajmë vetëm për avokatët e Becchettit
• Çfarë ndodh nëse s’paguajmë Bechettin? Soko tregon si mund të ngrijë asetet tregtare