Çfarë ndodh nëse s’paguajmë Bechettin? Soko tregon si mund të ngrijë asetet tregtare

Francesco Becchetti ka fituar gjyqin në Arbitrazh ndaj shtetin shqiptar që tani i detyrohet 110 milionë euro biznesmenit italian.

Eksperti i ekonomisë Pano Soko tha në emisionin Review në Euronews Albania se pavarësisht kohës ato para do të paguhen një ditë.

Sipas tij, nëse shteti shqiptar refuzon të paguajë paratë që i detyrohet biznesmenit italian pas vendimit të Arbitrazhit mund të ketë penalizime që kanë të bëjnë me ngrirje të aseteve tregtare.

“Në fillim ai do bëjë kërkesë në Gjykatën e Apelit Administrativ në Tiranë, nëse ia rrëzon, që nuk ka shanse pasi jemi të detyruar të zbatojmë vendimet e kësaj gjykate, ai fillon atë që quhet forum shoping; shkon në të gjitha vendet që janë anëtare të ITSTI dhe paraqet kërkesën për ngrirje të aseteve tregtare. Do gjurmojë ku kemi ne asete tregtare, lekë borxhi ose lekë nga marrëdhënie tregtare me partnerë të huaj dhe do kërkojë nga gjykatat respektive që t’i njohin vendimin e Arbitrazhit dhe do të mbledhë të gjithë shumën”, tregoi Soko.

LEXONI GJITHASHTU:

• “S’do paguajmë kokërr leku”, Çoçoli: Arbitrazhit i janë zënë sytë, ka gjykuar gabim
• “130 mln euro do paguhen”- Soko: Vendimi për Becchettin ditë e zezë për Shqipërinë