14 maji| 6 rivalë për Tiranën, PD zyrtare kandidon vetëm në 16 bashki

Komisioneri Ilirjan Celibashi regjistroi këtë të mërkurë listat e kandidatëve të partive politike që garojnë në 11 bashki të vendit për zgjedhjet lokale të 14 majit.

Regjistrimi në KQZ bëhet për ato bashki që kanë më shumë se një KZAZ për zgjedhjet e 14 majit, ndërsa për bashkitë e tjera regjistrimi do të bëhet në KZAZ përkatëse të çdo bashkie.

Pas vendimmarrjes së Celibashit rezulton se janë 6 kandidatë zyrtarë për bashkinë e Tiranës. Kështu përveç Erion Veliajt dhe Belind Këllçit, dy kandidatët e shpallur të parët, përkatësisht nga Partia Socialiste dhe koalicioni “Bashkë Fitojmë”. Në garë do të marrin pjesë Roland Bejko nga Partia Demokratike, Arlind Qori nga Lëvizja Bashkë, Lajla Përnaska nga PDIU, dhe Marko Dajti nga Fronti i Majtë.

Në total, për zgjedhjet e 14 majit dorëzuan kërkesat për t’u regjistruar 147 kandidatë për 61 bashki. Ndërsa për këshillat bashkiak, rezulton të jenë 22 mijë e 607 kandidatë për anëtarë në këshillat bashkiak të 61 bashkie.

LEXONI GJITHASHTU:

• Zbardhet takimi i Celibashit me ambasadoret e SHBA dhe BE, çfarë u diskutua
• Celibashi regjistron 6 kandidatët për Bashkinë e Tiranës