Zbardhet takimi i Celibashit me ambasadoret e SHBA dhe BE, çfarë u diskutua

Kreu i KQZ, Ilirjan Celibashi ka zbardhur bisedën e zhvilluar sot me ambasadoret e BE dhe SHBA në ambientet e KQZ.

Celibashi tregon se në fokus të takimit me ambasadoren e BE, Christianne Hohmann dhe ambasadoren e SHBA, Yuri Kim ishte përgatitja e zgjedhjeve vendore, shpërdorimin e burimeve shtetërore për fushatë, dukurinë e shitblerjes së votës, transparencën e financimeve në zgjedhje dhe pastërtine e figurës së kandidatëve që do të garojnë për t’u zgjedhur.

“Ambasadoret Hohmann dhe Kim theksuan se zgjedhjet e 14 Majit nuk janë thjesht për të zgjedhur qeverisjen vendore, por një test i mirëfilltë për progresin e demokracisë shqiptare dhe se të gjithë sytë e partnerëve ndërkombëtarë janë fokusuar mbi këto zgjedhje. Theksova dyfishimin e institucioneve shtetërore raportuese në KQZ, ndalimin e mbi 20 aktiviteteve publike, trefishimin e numrit të sanksioneve nga KQZ dhe garantova Ambasadoret Kim dhe Hohmann se KQZ do të vijojë të mbetet e baraslarguar nga politika dhe do të veprojë vetëm në zbatim të ligjit”, shprehet Celibashi.

LEXONI GJITHASHTU:

• A do rikthejë Alibeaj 1 mln euro që mori nga KQZ? Ledio Braho skanon situatën
• Celibashi regjistron 6 kandidatët për Bashkinë e Tiranës