Kryekomisioneri Shtetëror i Zgjedhjeve, Ilirjan Celibashi deklaroi se fleta e votimit për  zgjedhjet lokale të 14 majit, do të jetë më e thjeshtë se zgjedhjet e vitit 2019.

Në emisionin “Barometri” në Euronews Albania, Celibashi u shpreh se në ato zgjedhje pati paqartësi për fletën e votimit dhe kjo sipas tij, edhe për shkak se KQZ e nisi vonë fushatën informuese për qytetarët, në lidhje me mënyrën sesi duhej votuar.

“Fleta e votimit këtë herë do të jetë më e thjeshtë se në zgjedhjet e fundit vendore. Duhet ta pranojmë që për shkak të debatit që u bë për fletën e votimit, ne si KQZ e nisëm pak vonë fushatën për mënyrën si votohej.

Mesa duket, nuk adaptuam modelin e duhur të fletës së votimit, se nuk ka si shpjegohet ndryshe numri aq i lartë i fletëve të pavlefshme”, theksoi ai.

LEXONI GJITHASHTU

• Celibashi: Ja për çfarë do i informoja votuesit e mi nëse do isha në politikë
• Celibashi: Informimi për votimin për Këshillin bashkiak nuk është detyrë e KQZ
• Gerta Meta: Në zonat rurale votojnë burrat për gratë