14 vjeç me pistoletë e fishekë në Vlorë, nuk dihet se ku i mituri e gjeti armën

Policia e Vlorës ka organizuar operacionin e koduar “DANGER” në lidhje me rastin e një të mituri, ku falë informacionit të siguruar, ditën e enjte është bërë e mundur që, nëpërmjet një fotografie të gjetur në celularin e tij dhe pas një pune profesionale me psikologë, prindër dhe punonjës social, të gjendej e fshehur në një motomjet pranë një banese një armë zjarri pistoletë me rreth 130 copë fishekë luftarakë, të cilat dyshohet se i ka fshehur një 14-vjeçar.

Ndërsa vijon puna intensive për të identifikuar personin që mund ti ketë dhënë armën këtij 14-vjeçari, i cili u ndalua për sqarimin e rrethanave të ngjarjes.

Policia e Vlorës bëri me dije se gjatë dy javëve të fundit, dhjetëra prindër dhe pjestarë të stafeve pedagogjike të qarkut Vlorë kanë kontaktuar Policinë, duke ndarë shqetësime dhe informacione mbi aktivitetet dhe sigurinë e fëmijëve të tyre, kryesisht të moshave 12 deri në 18 vjeç. Këto informacione kanë qenë të vlefshme dhe kanë ndihmuar policinë në orientimin e veprimeve parandaluese.

LEXONI GJITHASHTU:

• Flet babai i të miturit: Pashë djalin në video me pistoletë dhe informova policinë
• Trafikonin ukrainas për t’i përdorur si shpërndarës droge, 4 të arrestuar
• Ushtronin prostitucion në Vlorë, nis hetimi ndaj 4 shtetaseve të huaja