Një pistoletë është gjetur në një godinë të pabanuar në Vlorë dhe policia ka shoqëruar një 14-vjeçar që dyshohet se e ka fshehur aty. Për këtë rast foli për mediat dhe babai i të miturit i cili shpjegoi sipas tij rrethanat e ngjarjes.
Bardhosh Tozaj u shpreh se djali i tij, së bashku me shokët e kanë gjetur armën dhe kanë krijuar një video për ta shpërndarë në platformën TikTok. Tozaj shprehet se kur ka parë videon, ka kontaktuar me drejtuesit e shkollës 9-vjeçare “Rilindja” dhe me punonjësit e policisë.
“Pashë një video që ishte shpërndarë mbrëmë në rrjetet sociale, sikur djali im ka qarkulluar në shkollën 9-vjeçare ‘Rilindja’ me një pistoletë, ky është një lajm i rremë. Informacionin policisë ia kam dhënë unë kur pashë videon e djalit tim me shokët në mal me pistoletë. Nnë shkollë qarkullon një lojë, ku hedhin një shok dhe e presin dhe videot i nxjerrin në TikTok. Është lojë e rrezikshme dhe për këtë arsye, unë isha në një mbledhje me drejtoreshën, mësuesen kujdestare dhe një psikologe. U thashë që kam parë një video, por nuk isha i sigurt nëse pistoleta ishte e vërtetë apo lodër. Ne u takuam me punonjësit e policisë në shkollë, ata panë videon me djalin dhe kuptuan se nuk ishte pistoletë lodër. Pistoletën e kanë gjetur në një objekt të pabanuar. E kanë marrë, kanë shkuar në mal, kanë bërë video në TikTok dhe më pas e kanë fshehur. Kishin gjetur edhe tre karikatorë. Djali nuk ka pasur probleme më parë, vetëm zënka në shkollë, se 14 vjeç“, u shpreh ai.
LEXONI GJITHASHTU:
- 14 vjeç me pistoletë e fishekë në Vlorë, nuk dihet kush ja dha armën të miturit
- Trafikonin ukrainas për t’i përdorur si shpërndarës droge, 4 të arrestuar
